Պտարիարքական անուանումներ Տէր Նարեկ Նամոյեան` Լեւոնեան Ք Վարժարանի նոր տեսուչ։

Հայ Կաթողիկէ Պատրիարքութեան դիւանի տեղեկատուութեան համաձայն Ամենապատիւ եւ Գերերջանիկ Տէր Գրիգոր Պետրոս Ի. Կաթողիկոս Պատրիարքը Տանն Կիլիկիոյ կաթողիկէ հայոց, անցեալ Հինգշաբթի 29 հոկտեմբեր 2015-ին, Հռոմի Լեւոնեան Քահանայապետական Հայ Վարժարանի նոր տեսուչ նշանակած է գերապատիւ տէր Նարեկ վարդապետ Նամոյեանը։ Նորանշանակ տեսուչը ծնած է Քամիշլի 1972-ին եւ քահանայ ձեռնադրուած է 1997-ին: Ան եղած է ժողովրդապետ Քամիշլիի (Սուրիա) «Սուրբ Յովսէփ» եկեղեցւոյ եւ Վալանսի (Ֆրանսա) հայ կաթողիկէ ժողովրդապետութեան:

Գերապատիւ տէր Նարեկ վարդապետ Նամոյեանը կը յաջորդէ գերյարգելի հայր Գէորգ ծ.վ. Նորատունկեանին որ Ամենապատիւ Հոգեւոր Տիրոջ տնօրինութեամբ առաքուեցաւ Ֆրանսա՝ արհիապատիւ հայր Յովհաննէս եպիսկոպոս Թէյրուզեանին տրամադրութեան ներքեւ ծառայելու համար «Սուրբ Խաչ» հայ կաթողիկէ եկեղեցւոյ առաջնորդութեան: